Amannman Kontitisyon ke Lejlistati Florida te pase le 8 Avril la ta detann Konstitisyon eta a sou règleman ki egziste sou gwosè klas yo. Votè yo te pase li an 2002, amannman yo gen kounye a sou gwosè klas yo kouche yon kantite maksimòm elèv yo pèmèt nan sal de klas nan tout eta a.

Nouvo pwopozisyon an ta ogmante kantite maksimòm elèv yo ta pèmèt nan chak klas si yo chanje jan yo fè kalkil ki pèmèt maksimòm elèv nan chak klas chanjman a mwayèn lekol la ta genyen.

Chanjman sa a ta ka pèmèt yon lekòl gen plis ke mwayèn nan depi eksè a balanse pa yon lòt klas nan lekòl sa ak mwens elèv nan mwayèn ki akseptab la.Kòmanditè yo di chanjman an ta sove dè milyon de dola e bay lekòl endividyèl yo yon mezi fleksiblite ki pa prezan nan lwa aktyèl la.Opozan yo di ke votè yo klèman te vle mete yon limit sou gwosè klas nan nivo yo te pase nan lwa ane 2002 a, e ke elèv yo ak pwofesè yo ta benefisye nan gwosè klas ki pi piti yo.

Istwa
Gwosè limit aktyèl sou klas yo te vote nan lwa ane 2002 pa 52 pousan nan votè yo. Amannman an te limite gwosè klas yo nan pre-K jiska klas twazyèm a 18 elèv; katriyèm jiska wuityèm 22 elèv ak lekòl segondè a 25 elèv. Limit yo ta dwe pwogresif pandan plizyè ane epi yo ta pran plen efè nan kòmansman ane lekòl 2010 -11 la.

Pwopoze lejislasyon
Amannman 8 ta mete mwayèn Pre-K jiska twazyèm nan 18 elèv , men li ta pèmèt yon maksimòm 21 elèv nan nenpòt ki klas depi li fè yon balanse nan lekòl sa a ak yon klas ki gen mwens pase 18 elèv; mete yon mwayèn 22 nan elèv pou katriyèm jiska wityèm men pèmèt yon maksimòm de 25; epi mete yon mwayèn lekòl segondè nan 25 elèv men pèmèt yon maksimòm de 30.

SupportersSipòtè
Sipòtè Amannman 8 yo di ke 8 milyon yo te ekonomize yo ta ka sèvi pou bay pwofesè yo ogmantasyon. GouvènèCharlie Crist , Superintendent lekòl la ak asosyasyon Komisyon Konsèy Lekòl sipὸte chanjman an. Ak pwoblèm lajan yo genyen nan yon ekonomi k iba, yo pè frè ki asosye ak anplwaye plis pwofesè e jwen plis klas pou akomode limit yo fikse li vin pli efikas..Yo plenyen pou di ke enfleksibilite nan lwa aktyèl la vle di plis klas pòtab ak plis wout nan otobis. Pwojè lwaa pou mete amannman an sou bilten vòt la te patwone pa Senatè Gaetz Don, yon repibliken nan Destin, ak Depite Will Weatherford, yon repibliken sòti Wesley Chapel.

Advèse
Advèse diskite ke votè yo te fè li klè nan ane 2002 ke yo te vle limite gwosè klas yo. Pi piti klas fè yon miyò anviwònman pou aprann, yo diskite. Sendika pwofesè nan tout eta a, Asosyasyon Edikasyon Florid la, opoze a pwojè lwa a. Sendika a mande pou eta a satisfè manda konstitisyonèl la e aplike limit ki apwouve nan bilten vòt la.

Ki sa ki pral pase apre
Dapre la lwa, limit gwosè klas ki egziste yo dwe an plas pa kòmansman lekòl la nan mwa Out 2010 la, e se sa ki lakòz yon pwoblèm lojistik pou lejislatè yo. Amannman yo pwopoze a pwal ale devan elektora a nan eleksyon jeneral la an Novanm 2010 (twa mwa apre dat limit Out la). Amannman yo pwopoze a ap bezwen apwouve a 60
pousan pa votè yo nan Florid nan eleksyon 2 Nov an.