Plan Konplè yo, ki se konsa yo rele yo, se modèl ke vil ak konte yo itilize pou genyen yon ide sou ki sa kominote yo pral sanble. Plan yo montre gran liy espesifik yo pou devlopmen alavni yo: ki kote, ki kalite ak ki gwosè.

Elektè yo deja genyen kontwòl endirèk sou fason plan konplè yo chanje, paske se yo ki vote pou ofisyèl vil ak konte yo ki kontwole yo. Men moun yo kap soutni amannman sa a di anpil fwa ofisyèl eli yo konn pa okipe elektè yo, epi lwa pou estope devlopman ki pat planifye pap mache. Yo di amannman sa ki pwopoze a se yon fason pou bay rezidan yo pouvwa pou deside ki kote ak kijan kominote yo dwe devlope.

Elektè yo tap deside si yo vle plan konplè yo a chanje ou pa - epi, esansyèlman, si yo soutni nouvo devlopman yap pwopoze a - nan referandòm. Gouvènman lokal yo kapab fè yon eleksyon espesyal ou byen ajoute keksyon an nan bilten vòt la nan yon eleksyon nòmal.

Atravè eta a, vil ak konte yo fè plis pase 8,000 chanjman pa ane regilyèman nan plan konplè yo, yon chif ni sipòtè ni advèsè amannman sa a itilize pou pwove ka yo.

Moun ki soutni pwopozisyon Demokrasi Lakay Florida( Florida Hometown Democracy )an di kokennchenn kantite chanjman nan plan konplè yo montre pou kisa elektè yo bezwen plis kontwòl sou pwosesis la. Advèsè yo di si amannman an pase, li tap fòse gouvènman lokal yo fè konbyen douzèn eleksyon espesyal ou byen ofri yon gwo bilten vòt pandan eleksyon nòmal yo epi sa tap boulvèse ak twouble elektè yo.

Amannman an