|
>Lakay(an Angle) » » » » Limen 2010 Bilten Vòt Amannman 1: Amannman 2: Amannman 4: Amannman 5 ak 6: Amannman 8: Rezolisyon ki pa angaje: > > > Retire Sou Bilten Amannman 7: Amannman 9: Fè lekti blog(an Angle)! 
Enfomasyon Lòt
Limen Bilten Vôt - A Gade
|
[Amannman 1 echwe pou pase] Amannman 1: Anilasyon egzijans pou finansman piblik kanpay
Èske lajan piblik la dwe kontinye finanse kanpay Florida yo? An 1987, Lejislati Florida a te etabli finansman piblik pou kanpay atravè eta a. Yo te plede ke li te vin twò chè pou ale nan eleksyon epi gwo pri yo tap anpeche bon jan kandida patisipe. An 2010, Lejislati a pral mande elektè yo pou abandone sistèm finansman piblik la, yon sistèm opozan yo renmen pase nan tenten tankou "asistans piblik pou politisyen. ” Yon vòt "wi” pou Amannman1 (Amendment 1) tap anile sistèm finansman piblik la, ki tap fè 2010 dènye ane kote kandida pou gouvènè ak syèj nan Kabinè yo kapab resevwa lajan piblik pou kanpay ann echanj pou limite kantite lajan yo kolekte antou. Yon vòt "non” tap pèmèt sistèm kounye a kontinye apre eleksyon 2010 yo. Malgre se Lejislati a ki te pase lwa pou finansman piblik la nan kòmansman, se elektè yo ki te deside an 1998 pou li fè pati Konstitisyon an. Se sak fè lejislatè yo bezwen mande elektè yo pou anile sistèm nan olye se yo ki pran desizyon an yomenm. Youn nan 10 Florida pami 10 eta yo ki ofri finansman piblik bay kandida pou gouvènè yo, selon Common Cause, yon òganizasyon enpasyal, ki pa la pou fè lajan epi ki defann jan de pwogram konsa. Nèf eta, Florida ladan yo, ofri finansman piblik bay kandida kap chèche yon pozisyon nan lòt biwo atravè eta a. Sis eta pèmèt kandida legislatif yo pran finansman piblik. Pandan Florida ap prepare pou konsidere anile finansman piblik, genyen yon mouvman nan kèk eta, tankou California ak Maryland, pou kòmanse ofri pwogram "eleksyon pwòp” oubyen agrandi sa ki egziste deja yo. Genyen yon gwo diferans nan fason finansman piblik te mache menm anndan menm eta a. Nan Maine, pa egzanp, pa genyen okenn kandida pou gouvènè ki genyen eleksyon an ki te janm pran lajan leta pou eleksyon. Pwogram nan te "yon gwo siskè” nan nivo legislatif la, sepandan, ak 81 pousan nan kandida yo ki aksepte lajan piblik an 2008, daprè yon editoryal Portland Press Herald. Nan Connecticut, eta a ap fè apèl kont yon desizyon yon jij federal ki di sistèm finansman piblik li a (its public financing system) pa konstitisyonèl paske li pa nan avantaj kandida ti pati politik yo konpare a Repibliken ak Demokrat yo. Connecticut te egzije kandida ti pati politik yo pou yo montre "siksè anvan” nan sondaj yo ak kolekte siyati pou kalifye pou lajan piblik. Pandansetan, Lejislati Wisconsin nan te pase yon lwa nan kòmansman novanm pou bay kandida pou kou siperyè yo lajan pilik. "Sitwayen yo bezwen kou siperyè yo legal nèt, ” dapre otè prensipal lwa a, Sen. Pat Kreitlow, D-Chippewa Falls. "Yon gwo kanè chèk pa gen plas nan chanm sa a.”
|