Elektè yo pral deside desten omwen kat (4) nan amannman oubyen revizyon nan Konstitisyon an ki pwopoze yo. Pou ede yo pran pi bon desizyon posib, nouvo inisyativ Collins lan, ki nan dezyèm ane li kounye a, prezante:
Analiz san patipri sou tout amannman aktyèl yo. Nan detay yo genyen istwa mezi yo, gwo aktè yo, agiman pou ak kont, lyen a sit ki enpòtan, ap plis toujou.
Lyen a sit wèb enpòtan kote elektè yo kapab eksplore sijè ak aktè yo an plis detay.
Yon achiv ajou sou rapò resan medya pou anrichi konpreyansyon sou mezi yo.
Yon kokennchenn enfòmasyon sou Konstitisyon Florida ak fason pwosesis amannman an mache.
Fowòm sipèvize kote vizitè kapab pataje ak aprann atravè diskisyon ak lòt.
Sit la genyen yon fowòm sipèvize pou angaje vizitè ak manm gwoup yo pou pwomovwa diskisyon kontini sou sijè a. Li genyen tou prezantasyon videyo bon kalite pou fè aprantisaj sou amannman yo enteresan e amizan. Elektè yo kapab pibliye pwòp mesaj yo ki gen rapò a amannman an, pibliye kòmantè nan fowòn ak blòg yo ak patisipe nan sondaj anliy.
Objektif Collins se pou bay moun Florida yo enfòmasyon san patipri yo kapab fè konfyans nan fòma ki pi aksesib ki posib. Pou fè sa byen, nou bay enfòmasyon yon fason pou vizitè a kapab jwenn aksè a li vit grasa plizyè medya entèraktif. Epitou genyen yon seksyon sou fason yo kapab modifye Konsitisyon Florida a.
Objektif la se pou ofri enfòmasyon ki konplè, san patipri, sou pwopozisyon pou amannman ou pral wè an 2010 yo, epi pou ofri yon fowòm anliy ki genyen sekirite pou diskite zafè enpòtan sa yo. Se Sant Collins pou Politik Piblik (Collins Center for Public Policy, Inc.), yon oganizasyon endepandan, enpasyal e ki nan tout eta a, ki angaje li pou ede Florida atake pi gwo pwoblèm li yo, ki te kolekte ak verifye verite enfòmasyon yo ki sou sit la.
Konsènan Sponsò yo
Travay sou pwojè sa a te resevwa soutyen twa òganizasyon charitab: Florida Bar Foundation, Fondasyon P.L. Dodge Foundation ak Gulf Coast Community Foundation nan Venice.
• Fondasyon Bawo Florida"se yon òganizasyon charitab ki te etabli an 1956 avèk avoka Florida ak Kou Siperyè Florida. Se sèl òganizasyon atravè eta a ki bay soutyen finansyè pou asistans legal ak pwomovwa amelyorasyon nan fason yo okipe bezwen legal sivil pou malere.”
• Fondasyon P.L. Dodge se yon konpayi charitab prive. Etabli an 2001, òganizasyon an baze nan Tallahassee, FL.
• Fondasyon Gulf Coast Community Foundation nan Venice se pi gwo òganizasyon tankou li ki genyen nan eta a. Depi li te fonde an 1995, li te kontribe $90 milyon pou amelyore lavi nan kominote li sèvi yo.
